www.koczala.hiazintus.com 

Privilegium Jacobi Konewka super manso uno penes villam Starzno

Varsaviae 27. April. 1609.

Sigismundus III. Dei gratia rex Poloniae, magnus dux Lithvaniae Russiae Prussiae Masoviae Samogitiae Livoniaeque etc. nec non Suecorum Gotorum Vandalorumque haereditarius rex. Significamus praesentibus literis nostris, quorum interest, universis et singulis: Exhibitas nobis esse literas infrascriptas pergameneas generosi olim Stanislai Latalsky comitis a Labischin, Schluchoviensis capitanei sigillo munitas et obsignatas, sanas salvas illaesas, non vitiatas omnique nota suspitionis carentes, continentes in se donationem unius mansi in villa Starzno ad arcem nostram Schluchoviensam spectante, per praefatum generosum olim Stanislaum Latalsky cuidam provido Jacobo Konweka factam; supplicatumque nobis nomine ejusdem Konewka, ut illas authoritate nostra regia approbare et confirmare dignaremur, quarum tenor de verbo ad verbum sequitur ejusmodi.
Documentum nostrum 25.
Cui supplicationi nos benigne annuentes praeinsertas literas in omnibus earum punctis, clausulis, articulis et conditionibus universis approbandas et confirmandas esse duximus, uti quidem, guantum de jure est et usus earum habetur, approbamus, ratificamus et confirmamus praesentibus literis nostris, oneribus dictae arcis, tum juribus ecclesiae catholicae salvis ibidem manentibus. In cujus rei fidem praesentes manu nostra subscriptas sigillo regni nostri communiri mandavimus. Datum Varsaviae vigesima septima die mensis Aprilis anno Domini 1609, regnorum nostrorum Poloniae 22., Suetiae vero anno sexto. Sigismundus rex. Sigillum pensile. And. Mokronosky subscripsit.

Quelle: Paul Panske: Documenta capitaneatus Slochoviensis (1471-1770). Torun 1935, S. 59.

^nach oben ^

Startseite

Bücher

Texte

Alte Bilder

Urkunden

Links

Kontakt

Werbung